საგარანტიო პირობები
დაცული შენაძენი. მკაფიო პირობები.
წინამდებარე გვერდი წარმოადგენს SROBOTA-ს საგარანტიო პირობების ციფრულ ვერსიას. პირობები ვრცელდება მომხმარებელზე შესაბამისი სამართლებრივი და საგარანტიო წინაპირობების ფარგლებში.
საქონლის შეძენიდან ორი წლის განმავლობაში ნაკლის აღმოჩენის შემთხვევაში მოქმედებს კანონით გათვალისწინებული უფლებები.
პირველი 6 თვის განმავლობაში გარკვეულ შემთხვევაში ივარაუდება, რომ ნაკლი არსებობდა საქონლის მიწოდებისას.
სამუშაო დღე — პარტნიორი სერვის ცენტრის დიაგნოსტირების დოკუმენტით განსაზღვრული ვადა.
სამუშაო დღე — შეკეთების ან შეცვლის ვადა, შესაბამისი ნივთის ან დეტალის ხელმისაწვდომობის მიხედვით.
ინფორმაცია მოვაჭრის შესახებ
კანონისმიერი გარანტია
საქონლის შეძენიდან ორი წლის განმავლობაში, თუ საქონელი ნაკლის მქონე აღმოჩნდა, მომხმარებელს უფლება აქვს მოვაჭრეს მოსთხოვოს ნაკლის აღმოფხვრა, საქონლის უსასყიდლოდ შეკეთება ან შეცვლა, ფასის შემცირება ან ხელშეკრულებიდან გასვლა შესაბამისი პირობების არსებობისას.
ნაკლის აღმოჩენისას მომხმარებლის უფლებები
საქონლის შეძენიდან ორი წლის განმავლობაში, თუ საქონელი ნაკლის მქონე აღმოჩნდა, მომხმარებელს უფლება აქვს მოვაჭრეს მოსთხოვოს ნაკლის აღმოფხვრა, საქონლის უსასყიდლოდ შეკეთება ან შეცვლა, ფასის შემცირება ან ხელშეკრულებიდან გასვლა.
როდის მიიჩნევა ნივთი ნაკლიანად
ნივთი ნაკლიანად მიიჩნევა, თუ მას გამოუვლინდება ისეთი სახის ნაკლი, რომელიც მას გაყიდვამდე შეიძლებოდა ჰქონოდა და არ არის წარმოშობილი ნივთის სარგებლობის, მათ შორის მომხმარებლის მიერ არასწორი ექსპლუატაციის შედეგად.
შეკეთება და შეცვლა — პირველი რიგის უფლებები
საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს მოითხოვოს საქონლის უსასყიდლოდ შეკეთება ან შეცვლა, გარდა შემთხვევისა, როდესაც ეს საქონლის ბუნებიდან გამომდინარე შეუძლებელია ან არათანაზომიერად დიდ ხარჯს მოითხოვს.
ფასის შემცირება ან ხელშეკრულებაზე უარი
მომხმარებელს უფლება აქვს მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
- საქონლის შეკეთება ან შეცვლა შეუძლებელია;
- მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
- მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
უმნიშვნელო ნაკლი
მომხმარებელს არ აქვს უფლება უარი თქვას ხელშეკრულებაზე, თუ საქონლის ნაკლი უმნიშვნელოა.
მოქმედების ტერიტორია
კანონისმიერი გარანტიის მოქმედება ვრცელდება საქართველოს ტერიტორიაზე.
საქართველოს კანონმდებლობა
საკითხები, რომლებიც არ არის გათვალისწინებული წინამდებარე საგარანტიო პირობებში, დარეგულირდება „მომხმარებლის უფლებების დაცვის შესახებ“ საქართველოს კანონის შესაბამისად.
მეწარმე / იურიდიული პირები
კანონისმიერი გარანტია არ ვრცელდება მეწარმე / იურიდიულ პირებზე.
სავაჭრო ობიექტში შეძენილი ნივთის უკან დაბრუნება
სავაჭრო ობიექტში შეძენილი საქონლის დაბრუნება არ ხდება
გარდა საქართველოს მოქმედი კანონმდებლობით სავალდებულოდ გათვალისწინებული შემთხვევებისა.
მოვაჭრე მომხმარებელს ურჩევს საქონლის შეძენამდე ყურადღებით გაეცნოს მის მახასიათებლებს, ტექნიკურ სპეციფიკაციებსა და დანიშნულებას და დარწმუნდეს, რომ იგი სრულად შეესაბამება მის მოთხოვნებსა და საჭიროებებს.
მტკიცების ტვირთი
მტკიცების ტვირთი მოვაჭრეს ეკისრება
თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ საქონლის ბუნებიდან ან ნაკლის ხასიათიდან გამომდინარე ეს შესაძლებელია.
მტკიცების ტვირთი მომხმარებელს ეკისრება
თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.
შემთხვევით დაღუპვის ან გაფუჭების რისკი
მომხმარებლისთვის გადაცემა
გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაღუპვის ან გაფუჭების რისკი.
მომხმარებლისთვის გაგზავნა
თუ შეძენილი ნივთი მომხმარებელს უნდა გაეგზავნოს, რისკი მომხმარებელზე გადადის იმ მომენტიდან, როდესაც მომხმარებელი ან მის მიერ უფლებამოსილი მესამე პირი, გარდა გადამზიდავისა, საქონელზე ფაქტობრივ მფლობელობას მოიპოვებს.
მომხმარებლის დავალებით გადამზიდავი
თუ გაყიდულ ნივთს მომხმარებლის დავალებით გადამზიდავი აგზავნის, ნივთის გადამზიდავისთვის მიწოდების მომენტიდან ნივთის შემთხვევით დაღუპვის ან გაფუჭების რისკი მომხმარებელზე გადადის.
სერვის ცენტრის მომსახურება
ნივთის დიაგნოსტიკა
ნივთზე ნაკლის აღმოჩენის შემთხვევაში და კანონისმიერი ან კომერციული გარანტიის მისაღებად ნივთი სადიაგნოსტიკოდ უნდა გადაეცეს მოვაჭრის პარტნიორ სერვის ცენტრს.
მოწყობილობის დიაგნოსტირების ვადა.
თუ შესაბამისი ნივთი ან/და შესაკეთებელი დეტალი ადგილზეა.
თუ შესაბამისი ნივთის ან/და შესაკეთებელი დეტალის გამოწერა იქნება საჭირო უცხოეთიდან.
სამუშაო დღეების დათვლაში არ შედის შაბათ-კვირა და საქართველოს კანონმდებლობით გათვალისწინებული უქმე და დასვენების დღეები.
საგარანტიო მომსახურება განხორციელდება, თუ სერვის ცენტრი შესაბამისი დასკვნის საფუძველზე დაადასტურებს, რომ ნაკლი, რომელიც ნივთს გამოუვლინდა, არის თავდაპირველი და არ არის წარმოშობილი ნივთის სარგებლობის, მათ შორის მომხმარებლის მიერ არასწორი ექსპლუატაციის შედეგად.
თუ მომხმარებელი უარს იტყვის ნივთის სერვის ცენტრში დატოვებაზე სადიაგნოსტიკოდ ან/და მისი შეკეთების მიზნით, მოვაჭრე მოკლებული იქნება შესაძლებლობას განახორციელოს საგარანტიო მომსახურება.
ლევან გიგოიძე სმარტ საფორთ პლუს
საგარანტიო მომსახურებაზე უარის თქმის წინაპირობები
საგარანტიო მომსახურება არ ვრცელდება / უქმდება ნივთზე ან კომპლექტაციის ნაწილზე ქვემოთ ჩამოთვლილ შემთხვევებში.
გასულია საგარანტიო ვადა.
არ არის წარმოდგენილი შესყიდვის დამადასტურებელი დოკუმენტი და სხვაგვარად შეუძლებელია ნივთის იდენტიფიცირება.
საგარანტიო ბარათი არ არის წარმოდგენილი / დაკარგულია და სხვაგვარად ვერ ხდება ნივთის იდენტიფიცირება.
ნივთზე არ იკითხება / ამძვრალია სერიული ნომერი / IMEI კოდი და შესაბამისად შეუძლებელია საქონლის იდენტიფიცირება.
დაზიანება გამოწვეულია პლომბის ან ლუქის მოცილებით.
წუნი გამოწვეულია მოწყობილობის მექანიკური დაზიანებით.
მოწყობილობა გამოიყენებოდა მისი დანიშნულების შეუსაბამო მიზნით, რამაც გამოიწვია ნივთის დაზიანება.
მოწყობილობა დაშლილია / გახსნილია თვითნებური შეკეთების ან რაიმე სხვა მიზნით, რამაც გამოიწვია ნივთის დაზიანება.
დაზიანება გამოწვეულია კომპიუტერული ვირუსის ან შეუსაბამო ფაილების მიერ.
დაზიანება გამოწვეულია მექანიზმში უცხო სხეულის ან სითხეების შეღწევით.
მოწყობილობა გამოიყენებოდა კომერციული მიზნით.
წუნი გამოწვეულია ელექტრო ქსელის გაუმართაობით.
დაზიანება გამოწვეულია ექსპლუატაციისა და შენახვის წესებისა და პირობების დარღვევით.